Til viðræðna um móttöku flóttamanna

Bæjarráð Reykjanesbæjar hefur lýst sig reiðubúið til viðræðna við íslensk stjórnvöld um móttöku flóttamanna og hefur falið bæjarstjóra og sviðsstjóra velferðarsviðs að vinna frekar í málinu.

Velferðarráðuneytið hefur sent erindi á öll sveitarfélög á Íslandi til að athuga með vilja sveitarfélaga til að taka við flóttafólki en mikill flóttamannastraumur er nú í Evrópu vegna átaka  m.a. í Sýrlandi. Er flóttamannastraumurinn sá mesti frá lokum síðari heimsstyrjaldar.