Þyrlunámi komið á fót á Ásbrú

Keilir og þyrlufyrirtækið Norðurflug hafa ritað undir viljayfirlýsingu um samstarf.  Samkvæmt henni er ætlunin að bjóða upp á alhliða kennslu á þyrlur.  Er verið að horfa annars vegar til grunnnáms en ekki síður framhaldsnáms fyrir þyrluflugmenn.  Ekki síst er verið að horfa á erlendan markað en aðstæður á Íslandi þykja einstakar til þjálfunar fyrir þyrluflugmenn.  Norðurflug og Keilir munu fara í viðræður við ýmsa erlenda aðila um samstarf á þessu sviði.

Á myndinni hér til hliðar má sjá þá Birgi Ómar Haraldsson, framkvæmdastjóra Norðurflugs, og Hjálmar Árnason, framkvæmdastjóra Flugakademíu Keilis, við undirritun samstarfssamningsins.

Á efri myndinni tekur þyrla frá Norðurflugi á loft frá Ásbrú fyrr í vor á opnun degi Ásbrúar og Keilis.