Þrír nýir læknar til HSS

Þrír nýir læknar hafa tekið til starfa við Heilbrigðisstofnun Suðurnesja. Það eru þeir Sigurjón Kristinsson, sérfræðingur í heimilislækningum, Bragi Þór Stefánsson, heilsugæslulæknir og Guðjón Karlsson lyf- og hjartalæknir.

Sigurjón hefur verið ráðinn yfirlæknir á heilsugæslu HSS. Hann er sérfræðingur í heimilislækningum frá Noregi þar sem hann starfaði um árabil.  Hann flutti aftur til Íslands árið 1999 og starfaði fyrst í Keflavík, fór síðan til Reykjavíkur og þaðan til Vestmannaeyja árið 2001 þar sem hann tók við yfirlæknisstöðu.  Sigurjón hefur nú starfað við heilsugæslu HSS frá september 2004.  Sigurjóni er óskað velfarnaðar í nýju hlutverki á HSS.

Bragi hefur starfað hjá HSS í afleysingum síðast liðnu mánuði.  Hann hefur starfað víða en verið heilsugæslulæknir á Dalvík frá árinu 1982.

Guðjón kemur hingað frá Bandaríkjunum þar sem hann hefur verið í framhaldsnámi frá árinu 1998.  Guðjón er með sérfræðimóttöku á miðvikudögum.