Þriðjungur ferðarinnar búinn - fimm fingur upp!

Hjólakapparnir okkar náðu merkum áfanga í dag þegar þriðjungi leiðarinnar umhverfis Ísland var náð. Við brúnna yfir Hornafjarðarfljót sló mælirinn í 500 km. og aðeins um 1000 km. eftir.

Á myndinni eru frá vinstri Gestur Pálmason, Jóhannes A. Kristbjörnsson, Sigmundur Eyþórsson og Júlíus Júlíusson.
Nýr pistill frá þeim er kominn frá Höfn í Hornafirði. Hins vegar eru myndir að láta standa á sér, en vonandi tekst að koma myndasafni til Suðurnesja áður en kapparnir fara í draumalandið.

Fingramerki þeirra - fimm fingur upp - fyrir 500 km. að baki.