Þrettán ára viðurkenndi sprengjuhótun
– Lögreglan lítur málið mjög alvarlegum augum.
Sprengjuhótun í flugvél WOW air um hádegi í gær er upplýst. Rannsókn lögreglu hefur leitt í ljós að það var 13 ára drengur sem hringdi á skrifstofur WOW air með hótunina og hefur hann gengist við því.
Lögreglan lítur málið mjög alvarlegum augum enda viðbúnaður mikill af hálfu viðbragðsaðila auk þess sem atvikið hafði áhrif á ferðir farþeganna í vélinni.
