Þingmenn Suðurnesja heimsóttu Grænlendinga

Þrír þingmenn af Suðurnesjum sitja í Íslandsdeild Vestnorræna ráðsins. Það eru þau Páll Valur Björnsson, Páll Jóhann Pálsson ásamt Oddnýju Harðardóttur. Þingmenn dvöldumst við í liðinni viku í Narsarsuaq á Grænlandi þar sem ársfundur ráðsins fór fram. Markmið ráðsins er að starfa að hagsmunum Vestur-Norðurlanda, gæta auðlinda og menningar Norður-Atlantshafssvæðisins, fylgja eftir samvinnu ríkisstjórna og landsstjórna Vestur-Norðurlanda. Auka samstarfið innan norrænnar samvinnu og vera þingræðislegur tengiliður milli samvinnuaðila innan Vestur-Norðurlanda og annarra fjölþjóðlegra hagsmunahópa og ríkjasamtaka.

Vestnorræna ráðið hefur ályktað um ýmis mál, þar á meðal umhverfis- og auðlindamál, aukið menningarsamstarf landanna og skóla- og íþróttasamvinnu, svo að fátt eitt sé nefnt. Ályktanir Vestnorræna ráðsins eru lagðar fram á Alþingi í formi þingsályktunartillagna.

„Þetta var mjög góð ferð og leiddi enn betur í ljós hvað þetta samstarf okkar við Grænlendinga og Færeyinga er gríðarlega mikilvægt og ekki síst í ljósi breyttrar heimsmyndar. Augu alheimsins hafa í síauknum mæli beinst að þessum heimshluta og ekki síst vegna þeirra miklu auðlinda sem eru á þesum slóðum. Frændþjóðir okkar hér í norðvestrinu leggja mikla áherslu á við styrkjum þetta samstarf enn frekar og telja að með mikilli samstöðu um málefni svæðisins stöndum við sterkari gagnvart þeim stórþjóðum sem renna hýru auga til þessara auðlinda og nýtingar á þeim,“ sagði Páll Valur Björnssson hjá Bjartri framtíð í samtali við Víkurfréttir.

Einnig fór fram sameiginleg þemaráðstefna Vestnorræna ráðsins, Norðurlandaráðs, Stortinget í Noregi og Folketinget í Danmörku þar sem rætt var um auðlindir á vestnorrænum slóðum og nýtingu þeirra.

Unnur Brá Konráðsdóttir formaður Vestnorræna ráðsins, Vigdís Hauksdóttir og Oddný Harðardóttir.

Páll Valur ásamt Lars Emil Johanssen forseta Grænlenska þingsins.