Telma Dögg nýr útibússtjóri Securitas á Reykjanesi

Telma Dögg Guðlaugsdóttir hefur verið ráðin sem nýr útibússtjóri Securitas á Reykjanesi. Telma er viðskiptafræðingur að mennt og lauk MBA prófi frá Auburn University Montgomery árið 2007. Telma hefur sl. átta ár starfað hjá Airport Associates á Keflavíkurflugvelli sem mannauðsstjóri.

Starfsemi Securitas á Reykjanesi hefur vaxið hratt frá opnun útibúsins árið 2009, en útibúið flutti nýverið í nýtt og glæsilegt húsnæði að Iðavöllum 13 í Reykjanesbæ. Securitas Reykjanesi hefur vaxið hratt frá opnun útibúsins og starfa þar nú um 70 starfsmenn sem fer hratt fjölgandi.

„Ég er ákaflega spennt fyrir þessu nýja verkefni, fyrirtækið býður upp á fjölbreytta þjónustu á Reykjanesi og mörg tækifæri framundan á svæðinu til að mynda í tengslum við flugvöllinn, Ásbrú og Helguvík.“