Tekinn á 154 km hraða á Brautinni

Í gær voru 16 ökumenn voru kærðir af lögreglunni í Keflavík fyrir hin ýmsu brot á umferðarlögum.  Meðal annars voru sex ökumenn kærðir fyrir hraðakstur á Reykjanesbraut.  Sá sem hraðast fór var á 154 km þar sem hámarkshraði er 90 km.  Einn ökumaður var kærður fyrir hraðakstur á Grindavíkurvegi.  Sex ökumenn voru kærðir fyrir að vera ekki með öryggisbelti við aksturinn og einn ökumaður var kærður fyrir að tala í farsíma við aksturinn án þess að nota handfrjálsan búnað.  Einn ökumaður var kærður fyrir að aka hægra megin framúr bifreið á Reykjanesbraut.