Tankur valt við Mánatorg, ökumaður slapp ómeiddur

Vatnstankur frá Nesprýði hf. valt á hliðina út af veginum er dráttarvél sem dró hann ók inn í Mánatorg, sem er hringtorgið neðan við hesthúsabyggðina.

Dráttarvélin sjálf hélst naumlega inni á veginum og mátti ekki miklu muna að illa færi fyrir ökumanni sem slapp án meiðsla.

Þegar ljósmyndara Víkurfrétta bar að garði voru menn frá Nesprýði komnir á vettvang slyssins með stóra gröfu og vörubíl og voru að dæla vatninu úr tankinum áður en að hann yrði fjarlægður.
VF-mynd/Þorgils Jónsson