Talsvert neistaflug úr strompi í Njarðvík í kvöld

Slökkvilið Brunavarna Suðurnesja var kallað út í kvöld þar sem arineldur virtist vera að fara úr böndunum í húsi í Njarðvík á níunda tímanum í kvöld. Þegar slökkvilið og lögregla komu á vettvang mátti sjá talsvert neistaflug upp úr strompi hússins.

Ekki hafa fengist upplýsingar um hvort tjón hafi hlotist af en neistaflugið var talsvert þegar ljósmyndari vf.is smellti af þessum myndum en þá var slökkviliðið að hefja vinnu á vettvangi.

Lögregla, slökkvilið og sjúkrabíll kominn á vettvang í kvöld.