„Svona skulum við hafa það!“
Enginn ók ölvaður eftir jólahlaðborð í eftirliti lögreglu.
Lögreglan á Suðurnesjum var með eftirlit með ölvunarakstri í umdæminu nýliðna helgi eins og boðað hafði verið. Sérstaklega var hugað að stöðum þar sem vænta mátti jólahlaðborða. Þeir ökumenn sem stöðvaðir voru í þessari lotu reyndust allir vera í lagi. „Svona skulum við hafa það - ekki bara alla aðventuna heldur allan ársins hring!“ sagði lögreglan á Suðurnesjum á Facebook síðu sinni.
