Svona eru skjálftarnir í myndavél Víkurfrétta

Nokkuð kröftug jarðskjáltahrina hefur staðið yfir á Reykjanesskaganum síðustu klukkustundir. Á skrifstofum Víkurfrétta á 4. hæð í Krossmóa í Reykjanesbæ nötrar allt og skelfur. Til að koma skjálftunum til skila látum við myndavél fylgjast með forláta hitamæli sem glamrar í stærstu skjálftunum.

Meðfylgjandi er upptaka af tveimur skjálftum frá því í dag. Annar í hádeginu upp á M4,3 og annar síðar í dag. Og rétt á meðan þessi frétt var unnin hafa nokkrir kröftugir látið finna fyrir sér.