Sveitarfélagið Garður kaupir Útskálaland á 90 milljónir kr.

Bæjarstjórnin í Garði hefur samþykkt að ganga til samninga við Kirkjuráð um kaup á landi Útskála í Garði. Hefur bæjarstjórnin falið bæjarstjóra og byggingafulltrúa Garðs, ásamt lögfræðingi bæjarins, Ásbirni Jónssyni, að ganga frá kaupunum.

Kaupverð kirkjujarðarinnar er 90 milljónir króna og er framlag úr Framtíðarsjóði Garðs. Stefnt er að undirritun kaupsamnings þann 15. desember nk.

Loftmynd af Útskálum og nánasta umhverfi. Sveitarfélagið Garður er að kaupa allt land Útskála í Garði. Myndina tók Oddgeir Karlsson.