Sumarstörf fyrir 35 námsmenn í Suðurnesjabæ
Suðurnesjabær hefur auglýst laus störf til umsóknar fyrir sumarið 2020. Um er að ræða störf sem eru hluti af atvinnuátaki sveitarfélagsins í samvinnu við Vinnumálastofnun og er ætlað námsmönnum búsettum í sveitarfélaginu, 18 ára og eldri. Skilyrði ráðninga eu m.a. að nemendur séu á milli anna í námi (þ.e. að koma úr námi og skráður í nám að hausti) og er ráðningatímabilið tveir mánuðir.
Umsóknarfrestur er til 23. maí 2020 og umsóknir skal senda á póstfangið [email protected] með tilvísun í starf sem sótt er um.
Suðurnesjabær fékk úthlutað 35 störfum fyrir atvinnuátakið. Ráðningartími námsmanna er að hámarki tveir mánuðir og fellur innan tímabilsins 01.06.20 - 31.08.20. Skilyrði er að umsækjendur hafi búsetu í sveitafélaginu.
