Sumarið kemur á miðvikudaginn

Allar tiltækar veðurspár gera ráð fyrir því að langþráð sumarblíða komi til Suðurnesja á miðvikudaginn og að hér verði bongóblíða bæði á miðvikudag og fimmtudag. Þannig er gert ráð fyrir 16 stiga hita á Keflavíkurflugvelli á miðvikudag og 18. stigum á fimmtudag.

 

Í dag verður suðaustlæg átt 5-10, skýjað með köflum og úrkomulítið við Faxaflóa. Hiti 10 til 18 stig og hlýjast í innsveitum.

 

 

Veðurhorfur á höfuðborgarsvæðinu

 

Suðaustan 3-8 m/s og skýjað. Hiti 12 til 16 stig.

 

Veðurhorfur á landinu næstu daga

 

Á miðvikudag:

Austlæg átt, 5-13 en 10-18 með suðurströndinni. Víða léttskýjað, en þokuloft við austurströndina. Hiti 8 til 24 stig, hlýjast vestanlands, en svalast í þokuloftinu. 

 

Á fimmtudag:

Norðaustlæg átt, 5-15, hvassast suðaustantil. Skýjað um landið austanvert og við norðvesturströndina og dálítil rigning austast, en þurrt og bjart að mestu suðvestan- og vestanlands. Hiti 8 til 22 stig, hlýjast suðvestantil. 

 

Á föstudag:

Norðaustlæg átt 5-13 m/s. Skýjað og sums staðar dálítil væta, en skýjað með köflum um landið suðvestanvert og yfirleitt þurrt. Heldur kólnandi veður. 

 

Á laugardag og sunnudag:

Útlit fyrir norðlæga átt, skýjað og víða þokuloft norðantil, skýjað með köflum og yfirleitt þurrt suðvestantil, en rigning fyrir austan. Hiti 6 til 18 stig, hlýjast sunnanlands.

 

Heimild: Veðurstofa Íslands