Suðurnesjasveitir kallaðar á höfuðborgarsvæðið

Allar björgunarsveitir á Suðurnesjum hfa verið kallaðar til höfuðborgarsvæðisins til aðstoðar við að dæla vatni úr kjallaraíbúðum og þess háttar, en mikill vatnsflaumur hefur verið í allan dag í kjölfar vatnsveðursins.

Björgunarsveitarmenn hafa staðið í ströngu í allan dag í útköllum hér á svæðinu, en veðrið hefur gengið nokkuð niður og er því hægt að beina kröftum að höfuðborgarsvæðinu.

Þess má einnig geta að flugeldasala björgunarsveitarinnar Suðurnesja er opin þar sem kvennasveitin Dagbjörg hefur hlaupið í skarðið fyrir þá sem eru úti á vettvangi.

VF-mynd/Hilmar Bragi - Frá störfum björgunarsveitarinnar í morgun. Sveitirnar á Suðurnesjum hafa nú verið kallaðar inn á höfuðborgarsvæðið