Stutt goshlé eða ný gossprunga líklegasta framhaldið

Ari Trausti Guðmundsson jarðvísindamaður segir tvennt helst í kortunum þegar horft sé til eldgossins í Meradölum. Gosefnaframleiðslan í Meradölum hefur verið á niðurleið. Það sést á óróalínuriti frá Fagradalsfjalli, á nýjustu mælingunum Jarðvísindastofnunar HÍ, Veðurstofunnar og fleiri (samvinnuverkefni okkurra aðila) á hraunrennsli og þegar lauslega er metið myndefni úr vefmyndavélum.

Annar möguleikinn sem Ari Trausti nefnir er að gosinu lýkur brátt og hlé verður á. Þá er átt við vikur, mánuði eða ár (ólíklegast) í næstu hörðu jarðskjálftahrinu, hvort sem er á svipuðum slóðum eða í öðru eldstöðvakerfi. Hrinan getur merkt innskot án goss eða eldgos á nýjum stað.

Hinn möguleikinn er að á næstu dögum, jafnvel án þess að núverandi eldborg þagni, opnast gossprunga eða sprungur norðaustan við núverandi stað. Suðvestan við hann ekki alveg útilokað. Þar, um 3-4 km frá gosstöðvunum, verða skjálftar, flestir á 1-3 km dýpi, auðsjáanlega í legu kvikufylltu sprungunnar sem opnaðist í jarðskorpunni.

Nýlegustu mælitölur úr Meradölum gefa okkur 1,3 ferkílómetra hraun úr gossprungunni og rúmmál upp á u.þ.b. 1,2 milljón rúmmetra hrauns, hraunrennsli eru örfáir rúmmetrar á sekúndu (aðeins um 2 rúmm/s skv. síðustu tölum).