Stolið úr verslunum

Fjórir þjófnaðir úr verslunum hafa verið kærðir til lögreglunnar á Suðurnesjum á undanförnum dögum.  Lögregla hafði hendur í hári karlmanns á fimmtugsaldri, sem játaði að hafa hnuplað sígarettupökkum, gosi og snakki úr einni verslun og einhverju af tóbaki úr annarri.

Í þriðja tilvikinu stal tæplega tvítugur piltur tveimur pökkum af rakvélablöðum og samloku. Fjórði karlmaðurinn var svo kærður fyrir stuld úr vínbúð.