Stolið tvisvar sama sólarhringinn

Bifreið, sem stolið var í vikunni á Suðurnesjum, var stolið aftur daginn eftir og er hún enn ófundin Eigandi bifreiðarinnar tilkynnti lögreglunni á Suðurnesjum um að bifreiðinni hefði verið stolið. Lögreglumenn hófu leit og fundu bílinn skömmu síðar í Njarðvík. Var eigandanum tilkynnt um fundinn en hann hafði þá ekki tök á að sækja bílinn fyrr en daginn eftir. En þegar hann ætlaði að nálgast farartæki sitt var það horfið.

Bifreiðin er af gerðinni Suzuki Baleno, dökkgræn að lit með skráningarnúmerið ON-322.  Lögregla rannsakar málið.