Stofna skipulagsnefnd á varnarsvæði

Bæjarstjórar Reykjanesbæjar, Sandgerðis og Garðs stofnuðu í gær sameiginlega skipulagsnefnd á fyrrum varnarsvæðinu á Miðnesheiði.

Í tilkynningu kemur fram að í kjölfar brottfarar varnarliðs Bandaríkjamanna og breyttrar skilgreiningar á varnarsvæðinu sé sjálfgefið að stjórnsýsla svæðisins færist til hlutaðeigandi sveitarfélaga og lúti almennum lögum og reglum við stjórnsýslu sveitarfélaga. Með sameiginlegri nefnd verði hægt að samræma skipulag á umræddu svæði óháð sveitarfélagamörkum.

Markmið þeirra er að efla íbúa- og atvinnuþróun á vestanverðu Reykjanesi og er þessi nefnd mikilvægur þáttur í því.

Nefndina skipa bæjarstjórar sveitarfélaganna, en þeim til ráðuneytis varða starfsmenn og stjórnendur skipulags- og byggingamála hjá sveitarfélaginu.