Stígandi VE keyptur til Suðurnesja

Báturinn Stígandi VE hefur verið seldur til Suðurnesja. Kaupandi er Marbrá ehf. í eigu Bergs Þórs Eggertssonar, aðstoðarframkvæmdastjóra Nesfisks í Garði. Frá þessu var greint á vefnum aflafrettir.is.

Í viðtali við Aflafréttir segir Bergur að ekki hafi verið tekin ákvörðun um það hvernig báturinn verði nýttur. Bátnum fylgja nokkur veiðarfæri og er hann svo til klár til veiða.

Báturinn mun fá nafnið Marberg og einkennisstafina GK 717.