Sterkur jarðskjálfti við Krísuvík

Jarðskjálfti að styrkleika 4.6 á Richterkvarða varð á Reykjanesi 7.7 km aust-norðaustur af Krísuvík á þriðja tímanum í dag.

Skjálftans var vart víða á suðvesturhorni landsins og hermir visir.is m.a. að húsgögn hafi færst úr stað í Hafnarfirði og rúða brotnaði í heimahúsi í Garðabæ. Þá kemur fram á vef Morgunblaðsins að þingmaðurinn Magnús Þór Hafsteinsson hafi gagnrýnt það að dagskrá Ríkisútvarpsins hafi ekki verið rofin til að koma upplýsingum áleiðis til landsmanna.