Sterkar vindhviður hrelldu ökumenn

Hressilegar vindhviður komu ökumönnum á Suðurnesjum í opna skjöldu seinnipartinn í gær og misstu nokkrir bíla sína út af. Á Grindavíkurveginum einum fóru fimm bílar út af með skömmu millibili þegar veðrið var sem verst en þar gerði blindhríð um tíma, að sögn lögreglu. Ökumaður þessarar Range Rover bifreiðar slapp ómeiddur eftir að hafa ekið á ljósastaur í sterkum vindi og hálku.  Sömu sögu er að segja af ökumönnum í öðrum óhöppum, allir sluppu blessunarlega óslasaðir.