Stefanía stýrir bókasafninu
- 15% fækkun útlána á síðasta ári
Auk hefðbundinna verkefna sem menningar-, upplýsinga-, þekkingar- og samverusetur verður stærsta verkefni ársins að aðlaga Bókasafn Reykjanesbæjar nýju húsnæði og kynna safnið fyrir bæjarbúum. Nýr forstöðumaður hefur verið ráðinn til safnsins en Stefanía Gunnarsdóttir hefur tekið við safninu af Huldu Þorkelsdóttur.
15 % fækkun varð á útlánum á milli áranna 2012 og 2013 hjá Bókasafni Reykjanesbæjar. Árið 2013 voru útlánin alls 86.598.
Nokkrar ástæður geta legið til þessa s.s. að bókasafnið var lokað allan maí og fram í júní vegna flutnings.
Forstöðumaður benti á það á fundi Menningarráðs Reykjanesbæjar nýverið að sambærileg lækkun virðist vera annars staðar á landinu.
