Starfsmenn Hafró átu "sönnunargögnin"
Í dómsmáli sem sumir eru farnir að nefna "stóra lúðumálið", þar sem ungmenni úr Grindavík eru ákærð fyrir að stela dýrmætri eldishrygnu og drepa fjórar aðrar, hefur komið á daginn að starfsmenn Hafrannsóknastofnunar hafi að fengnu leyfi borðað drepnu lúðurnar. "Það er einkennilegt þegar búið er að éta sönnunargögnin," sagði aðili í málinu í samtali við DV. Vísir.is greindi frá.Einnig hefur komið fram hjá einum af hinum ákærðu ungmennum að veitingahús á höfuðborgarsvæðinu hafi boðist til að lána sakborningunum eðalvagn í nokkrar klukkustundir til eigin afnota ef þeir útveguðu vænar lúður - með
öðrum orðum hafi ásetningur ákærðu verið að stela lúðum til að bjóða fram í skiptum fyrir ærlega ferð í eðalvagni.
Á laugardagskvöldi í maí á síðasta ári bárust lögreglunni í Grindavík upplýsingar um að piltar hefðu verið staðnir að verki í eldisstöð Hafrannsóknastofnunar við hlið Íslandslax í Staðarhverfi. Lúðurnar, sem voru í vörslu Hafró, voru í
eigu Fiskeldis Eyjafjarðar. Lögreglumenn fóru á vettvang og óku fram á nokkra pilta. Við rannsókn kom síðan fram að einni lúðunni hafði verið hent á bílastæði við kirkjugarð. Fjórar lúður, eldishrygnur, voru hins vegar svo særðar
í stöðinni að þær drápust. Talið var að átta eldishrygnum hefði verið veittur áverki.
Að lokinni rannsókn voru sex piltar ákærðir í málinu - fyrir þjófnað og eignaspjöll. Fiskeldi Eyjafjarðar lagði fram um 14 milljóna króna skaðabótakröfu fyrir hinar fimm drepnu lúður. Ólafur Halldórsson, framkvæmndastjóri
fiskeldisfyrirtækisins, sagði í samtali við DV í vor að gríðarleg og nokkurra ára kostnaðarsöm vinna hefði verið lögð í að ala lúðurnar. Lúðurnar höfðu verið geymdar og voru í vörslu Hafrannsóknarstofnunar í Grindavík.
Þegar starfsmaður Hafró spurður að því við réttarhöld í málinu hvort hinar drepnu lúður hefðu verið geymdar sagði hann að þær hefðu verið settar í frysti. Síðan upplýsti hann að eftir ákveðinn tíma hefðu lúðurnar verið borðaðar.
Einn málsaðila sagði við DV í gær að einkennilegt væri þegar búið væri að éta sönnunargögnin. Ólafur Halldórsson hjá Fiskeldi Eyjafjarðar sagði hins vegar við DV í gær að mál þetta snerist ekki um dauða fiska heldur lifandi
eldislúður sem hefðu verið drepnar. Þannig hafi mikið tjón skapast.
Héraðsdómur Reykjaness hefur ákveðið að vísa skaðabótakröfunum frá dómi í sakamálinu. Ólafur sagði að engin ákvörðun hafi verið tekin um það enn hvort farið yrði í annað dómsmál, einkamál, til að krefja sakborningana um
bætur fyrir eldislúðurnar.
Réttarhöldum í málinu lauk í Hafnarfirði í gær og er dóms síðan að vænta innan skamms.
öðrum orðum hafi ásetningur ákærðu verið að stela lúðum til að bjóða fram í skiptum fyrir ærlega ferð í eðalvagni.
Á laugardagskvöldi í maí á síðasta ári bárust lögreglunni í Grindavík upplýsingar um að piltar hefðu verið staðnir að verki í eldisstöð Hafrannsóknastofnunar við hlið Íslandslax í Staðarhverfi. Lúðurnar, sem voru í vörslu Hafró, voru í
eigu Fiskeldis Eyjafjarðar. Lögreglumenn fóru á vettvang og óku fram á nokkra pilta. Við rannsókn kom síðan fram að einni lúðunni hafði verið hent á bílastæði við kirkjugarð. Fjórar lúður, eldishrygnur, voru hins vegar svo særðar
í stöðinni að þær drápust. Talið var að átta eldishrygnum hefði verið veittur áverki.
Að lokinni rannsókn voru sex piltar ákærðir í málinu - fyrir þjófnað og eignaspjöll. Fiskeldi Eyjafjarðar lagði fram um 14 milljóna króna skaðabótakröfu fyrir hinar fimm drepnu lúður. Ólafur Halldórsson, framkvæmndastjóri
fiskeldisfyrirtækisins, sagði í samtali við DV í vor að gríðarleg og nokkurra ára kostnaðarsöm vinna hefði verið lögð í að ala lúðurnar. Lúðurnar höfðu verið geymdar og voru í vörslu Hafrannsóknarstofnunar í Grindavík.
Þegar starfsmaður Hafró spurður að því við réttarhöld í málinu hvort hinar drepnu lúður hefðu verið geymdar sagði hann að þær hefðu verið settar í frysti. Síðan upplýsti hann að eftir ákveðinn tíma hefðu lúðurnar verið borðaðar.
Einn málsaðila sagði við DV í gær að einkennilegt væri þegar búið væri að éta sönnunargögnin. Ólafur Halldórsson hjá Fiskeldi Eyjafjarðar sagði hins vegar við DV í gær að mál þetta snerist ekki um dauða fiska heldur lifandi
eldislúður sem hefðu verið drepnar. Þannig hafi mikið tjón skapast.
Héraðsdómur Reykjaness hefur ákveðið að vísa skaðabótakröfunum frá dómi í sakamálinu. Ólafur sagði að engin ákvörðun hafi verið tekin um það enn hvort farið yrði í annað dómsmál, einkamál, til að krefja sakborningana um
bætur fyrir eldislúðurnar.
Réttarhöldum í málinu lauk í Hafnarfirði í gær og er dóms síðan að vænta innan skamms.
