Stálu fartölvu úr heimahúsi

Fartölvu var stolið úr húsi við Brunnstíg í Keflavík á aðfararnótt þriðjudags. Þjófnaðurinn var tilkynntur árla morguninn eftir, en ekkert annað hafði verið tekið. Engin merki sáust um innbrot.

Í gær voru fimm ökumenn kærðir fyrir að nota ekki öryggisbelti og einn fyrir of hraðan akstur. Hann var mældur á 115 km hraða á Grindavíkurvegi þar sem hámarkshraði er 90.
 
Á kvöldvaktinni hafði lögregla afskipti af nokkrum ungmennum sem voru úti eftir lögleyfðan útivistartíma. Á næturvaktinni voru skráningarnúmer tekin af fimm bifreiðum þar sem ábyrgðartryggingin á þeim var fallin úr gildi.