Stálu bíl og keyrðu útaf

Nissan Patrol bifreið, rauð og gyllt á lit, sem var stolið við fjölbýlishús í Reykjanesbæ á aðfararnótt miðvikudags fannst í gærmorgun, utan vegar á Reykjanesbraut við Grindavíkurveg.

 Í ljós kom að bifreiðin hafði lent á vegriði þar skammt frá og valdið töluverðu tjóni á bæði vegriðinu og bílnum.

Að því er fram kemur í upplýsingum frá lögreglu er ekki vitað hver stal bílnum en allt bendir til þess að tveir aðilar hafi verið þar á ferðinni. Þeir sem geta gefið upplýsingar um málið vinsamlegast hafði samband við lögreglu í síma 420 2450.