Staðnir að innbrotum í bíla

Tveir piltar, 17 og 18 ára, voru staðnir að innbrotum í bíla í Reykjanesbæ í nótt. Lögregla kom í málið og handtók þá, en íbúi í Reykjanesbæ hafði staðið þá að verki þar sem þeir voru að reyna að komast inn í bifreiðar. Þeir höfðu þá þegar farið inn í nokkrar bifreiðar og tekið lausamuni að því er fram kemur hjá lögreglu.

 

Þá var ölvaður maður handtekinn á Hafnargötu í Reykjanesbæ þar sem hann hafði sparkað í bifreið þannig að tjón hljóst af og tveir aðilar voru teknir með fíkniefni sem talið var til eigin neyslu.  Undir morgun var maður handtekinn grunaður um ölvun við akstur.