Sparisjóðurinn gefur milljón krónur í Velferðarsjóð Suðurnesja

 

Sparisjóðurinn í Keflavík gaf í morgun kr. 1.000.000,- í Velferðarsjóðinn á Suðurnesjum. Geirmundur Kristinsson afhenti fjárhæðina sr. Skúla S. Ólafssyni, sem tók við henni fyrir hönd sjóðsins.

 

Með þessari gjöf er höfuðstóllinn kominn á sjöundu milljón. Er það mjög þakkarvert hversu vel samfélagið hér hefur staðið saman með þessum hætti. Með framlögum sínum hafa einstaklingar, félög og fyrirtæki sýnt það í verki hvernig unnt er að taka frumkvæði með jákvæðum hætti á tímum samdráttar og þrenginga.