Sóttu vélarvana handfærabát í nótt
– dreginn til Grindavíkur
Björgunarskipið Oddur V. Gíslason frá Grindavík var kallað út í nótt til að sækja bilaðan handfærabát. Vélarbilun varð þegar báturinn var staddur um 10 sjómílur suður af Grindavík.
Þrír menn voru á handfærabátnum. Björgunaraðgerðin tókst vel en gott sjóveður var í nótt og kom björgunarskipið með bátinn til Grindavíkur undir morgun.
