Sótsprenging í bátskamínu

Lögreglan á Suðurnesjum fékk í vikunni tilkynningu um eld í báti sem lá bundinn við bryggju í Njarðvíkurhöfn. Hafði vegfarandi orðið var við reyk sem lagði frá bátnum og lét vita. Þegar að var komið reyndist hafa orðið sótsprenging í kamínu í honum. Nokkur reykur var í lúkarnum, en skemmdir, af völdum sprengingarinnar, reyndust óverulegar.