Sóknir Njarðvíkurprestakalls sameinast
Kirkjusóknir Njarðvíkurprestakalls voru sameinaðar í eina sókn, Njarðvíkursókn, með ákvörðun kirkjuþings 30. nóvember sl. Hafa sóknirnar verið tvær í áratugi og prestar Njarðvíkurprestakalls hafa þjónað Njarðvíkurkirkju í Innri Njarðvík og Ytri Njarðvíkurkirkju. Höfuðkirkja nýs safnaðar verður Njarðvíkurkirkja sem vígð var 1886. Prestar og starfsmenn hafa aftur á móti aðsetur í Ytri-Njarðvíkurkirkju.
Á fyrsta fundi nýrrar sóknanefndar var Silja Dögg Gunnarsdóttir kjörin formaður.
Safnaðarmeðlimir eru á sjöunda þúsund sem gerir nýja Njarðvíkursókn þá stærstu á Suðurnesjum.
Prestar eru tveir, sr. Baldur Rafn Sigurðsson, sóknarprestur, og sr. Brynja Vigdís Þorsteinsdóttir. Starfsmenn eru fjórir.
