Snúið aftur til Keflavíkur skömmu eftir flugtak

Farþega­flug­vél United Air­lines af gerðinni Boeing 757-244 var snúið aftur til Keflavíkurflugvallar í hádeginu við skömmu eft­ir flug­tak í hádeginu vegna vélarbilinar. Vél­in var á leið frá Keflavík til New Jers­ey í Banda­ríkj­un­um með 178 farþega um borð.

Lendingin tókst vel og farþegarnir eru komnir í Flugstöð Leifs Eiríkssonar þar sem viðbragðshóp­ur Rauða kross­ins veitti farþegum flug­vél­arinnar sál­ræn­an stuðning.

Farþegaþotan tók á loft frá Keflavíkurflugvelli skömmu eftir kl. 12 á hádegi og tók stefnuna vestur um haf. Eftir um hálftíma flug óskaði flugstjóri vélarinnar eftir því að fá að snúa aftur til Keflavíkurflugvallar vegna vandræða með búnað vélarinnar.

Viðbragðsáætlun var virkjuð og viðbragðsaðilar settir í viðbúnaðarstöðu þ.e. slökkvilið, sjúkra­lið, lög­regla og björg­un­ar­sveit­ir, í sam­ræmi við flug­slysa­áætl­un al­manna­varna. Þegar þotan var lent var viðbúnaði aflétt.


Þotan kemur til lendingar á Keflavíkurflugvelli skömmu eftir hádegið í dag.




Mikill viðbúnaður var á Keflavíkurflugvelli vegna lendingar vélarinnar.

Farþegar koma frá borði. Þeir munu gista á hóteli í Keflavík í nótt.