Slökkt á götulýsingu til 20. júlí

Öll sveitafélög á Suðurnesjum munu hafa slökkt á götulýsingu í sveitarfélögunum frá 1. júní til 20. júlí til prufu. Einnig hefur Vegagerðin ákveðið að það sama verði upp á teningnum á Reykjanesbraut.

Að öllu jöfnu myndi lýsingin ekki vera logandi mikið á þessum tíma hvort sem er, eða ca. 0-3 tíma á sólarhring, þannig þetta á ekki að hafa mikil áhrif á daglegt líf fólks. Einnig hefur verið farið í að lækka rekstarkostnað á gatnalýsingunni með því að stytta logtíma ljósanna og hefur það gengið áfallalaust.

Vel verður þó fylgst með þessu og ef einhver ástæða er fyrir breytingum aftur, verður það skoðað.