Slasaðist á höfði

Kona slasaðist á höfði er hún féll við á veitingastað við Hafnargötu í nótt. Hún var flutt á sjúkrahúsið í Keflavík þar sem gert var að meiðslum hennar.

Þá varð umferðaróhapp á mótum Heiðarbergs og Hringbrautar í Keflavík. Einn aðili var fluttur á sjúkrahúsið í Keflavík til skoðunar.

Að lokum voru þrír ökumenn stöðvaðir fyrir að virða ekki stöðvunarskyldu á mótum Kirkjuvegar og Vesturgötu, Vatnsnesvegi og Hrannargötu, Faxabraut og Hringbraut.