Slapp vel eftir bílveltu

Bifreið hafnaði utan vegar á Reykjanesbraut, rétt vestan við Vatnsleysustrandarveg, um kl. 23.30 í gærkvöldi. Bíllinn fór nokkrar veltur áður en hann staðnæmdist og var ökumaður, sem var einn í bílnum fluttur meðvitundarlaus á sjúkrahús í Reykjavík. Þar komst maðurinn, sem er 23ja ára, til meðvitundar og í ljós kom þá að meiðsl hans voru ekki jafn alvarleg og fyrst virtist.

Að sögn lögreglu er enn óljóst af hverju maðurinn missti bílinn út af veginum.