Skýrslugerð í hávaða og ryki

Á meðfylgjandi mynd sést lögreglumaður í Flugstöð Leifs Eiríkssonar vinna að skýrslugerð með heyrnarhlífar fyrir eyrunum. Þar sem heyrnarhlífar eru ekki hluti af hefðbundnum útbúnaði lögreglumanna þykir lögreglunni myndin eilítið skondin en myndin er birt á fésbókarsíðu Lögreglustjórans á Suðurnesjum nú nýverið.

Skýringin á notkun heyrnarhlífanna er sú að framkvæmdir eru á fullu í flugstöðinni með tilheyrandi hávaða. Þegar yfir lýkur í sumar mun flæðið um flugstöðina verða stórbætt og aðstaða fyrir farþega og starfsfólk einnig.

Alvöru menn láta auðvitað ekki hávaða og ryk slá sig út af laginu, segir í texta með myndinni.