Skógarmítill á vinsælli gönguleið í Garði

Skógarmítill fannst í feldi á hundi eftir gönguferð meðfram Kambinum í Garði. Kamburinn er vinsæl gönguleið með ströndinni frá Gerðum og út á Garðskaga.

Reynir Þorsteinsson vekur athygli á málinu og birtir myndir og myndskeið í hópnum Garðmenn og Garðurinn á fésbókinni.

Þar eru hundaeigendur hvattir til að hafa augun hjá sér og fylgjast með feldinum á hundunum sínum eftir útivistina.