Skoða flutning MAX-vélanna frá Keflavík

Nú er til skoðunar hjá Icelandair að flytja Boeing 737 MAX-vélar sínar úr landi til geymslu á erlendri grund. Þetta kemur fram á vef Fréttablaðsins.

Vélarnar voru kyrrsettar í mars sl. og Icelandair tilkynnti til Kauphallarinnar fyrir rúmri viku að ekki væri lengur gert ráð fyrir því að MAX-vélarnar færu í loftið á þessu ári.

Haft er eftir forstjóra Icelandair að Ísland sé ekki besti staðurinn til að geyma flugvélar yfir haust og vetur. „Þetta er í skoðun og er búið að vera á teikniborðinu í talsverðan tíma,“ segir Bogi Nils Bogason, forstjóri Ice­landair við Fréttablaðið.