Skildi hundinn eftir án fóðurs og vatns

Óskað var eftir lögreglu í gærkvöldi vegna hunds sem hafði verið skilinn eftir í óupphituðum og rafmagnslausum bílskúr. 

Er lögreglumenn komu á staðinn kom í ljós að hundurinn, sem er af Rottweiler tegund, var mjög illa haldinn.  Ekkert fóður né vatn var í skúrnum og mun eigandinn vera fluttur. Hundurinn var tekinn í vörslu lögreglu og mun málið verða rannsakað með tilliti til dýraverndunarlaga.

Mynd: Rottweilerhundur af sömu tegund og um ræðir