Skemmdir unnar á bæjarprýði
Ljós skemmd og veggjakrot við vatnstankinn á Vatnsholti
Eitt af fallegri listaverkum í Reykjanesbæ hefur orðið fyrir barðinu á skemmdarvörgum í sumar. Gamli vatnstankurinn í Vatnsholti hefur ekki fengið að vera í friði, en bæði hefur lýsing við tankinn verið skemmd eins sem veggjakrot má finna á listaverkinu.
Árið 2013 vann hópur listamanna að því að breyta tanknum í fallegt listaverk sem er nú orðið glæsilegt kennileiti í bæjarfélaginu. Það var alþjóðlegur hópur listamanna, sem kalla sig Toyista, sem vann verkið á sínum tíma.
