Skallaði ítrekað hurð og uppskar skurð á enni

Í nótt kl. 01:02 var óskað eftir lögreglu og sjúkrabifreið að veitingastað í Keflavík, þar hafði ölvaður maður verið til vandræða og voru dyraverðir að koma honum út úr húsi.  Á útleið skallaði sá ölvaði ítrekað í útidyrahurðina og fékk skurð á enni.  Hann var fluttur á Heilbrigðisstofnun Suðurnesja og var þar gert að sárum hans.

Rétt fyrir kl. 03:00 fékk ölvaður maður  að gista fangageymslu lögreglunnar, eftir að hafa verið til vandræða á veitingastað í Keflavík.

Þrjú partýhávaðaútköll voru í sömu íbúðina í Keflavík í nótt.