Sjávarútvegsráðherra Nýfundnalands heimsækir grindvísk fyrirtæki

Sjávarútvegsráðherra Nýfundnalands, ráðuneytisstjóri hans og aðstoðarmaður, munu heimsækja Vísi hf. í Grindavík í næstu viku vegna þátttöku fyrirtækisins í sjávarútveginum á Nýfundnalandi. Tilgangurinn er að kynna sér starfsemi Vísis og hvert fyrirtækið stefnir með vinnslu aukaafurða.

Stefnt er að því að heimsækja fyrirtæki, hitta ráðamenn og funda með Grindavíkurbæ og grindvískum fyrirtækjum þar sem mörg þeirra eiga mikil viðskipti á Nýfundnalandi, að því er fram kemur á heimasíðu Vísis.