Sjálfstæðismenn opna kosningaskrifstofu sína á laugardag

Á morgun, laugardaginn 6. apríl munu sjálfstæðismenn í Reykjanesbæ opna kosningaskrifstofu sína að Brekkustíg 39. í Reykjanesbæ kl. 17:00.

Opnun kosningaskrifstofunnar markar upphaf kosningabaráttu Sjálfstæðisflokksins í Reykjanesbæ en í tilkynningu frá flokknum eru sjálfstæðismenn, sem og aðrir íbúar Reykjanesbæjar hvattir til að mæta og taka með sér gesti.
Frambjóðendur flokksins, þ.á.m. tilvonandi Suðurnesjaþingmennirnir Ragnheiður Elín Árnadóttir, Ásmundur Friðriksson og Vilhjálmur Árnason verða á staðnum og kynna kosningaáherslur Sjálfstæðisflokksins. Boðið verður upp á léttar veitingar og mikla gleði.