Sjálfstæðisflokkur og Framsókn í meirihlutaviðræðum

Sjálfstæðisflokkurinn og Framsóknarflokkurinn í Grindavík hafa hafið meirihlutaviðræður í Grindavík en þetta kemur fram í tilkynningu á Facebook- síðu Raddar unga fólksins, þar segir;

Komið sæl kæru bæjarbúar.

Eins og mörg ykkar vita kannski hófum við í Rödd unga fólksins viðræður við Framsóknarflokkinn, Miðflokkinn og Samfylkinguna um myndun meirihluta hér í Grindavík.

Framsóknarflokkurinn hefur nú dregið sig úr þeim viðræðum og farið í viðræður við Sjálfstæðisflokkinn um myndun meirihluta.

Við viljum halda kjósendum okkar, sem og öðrum bæjarbúum upplýstum um stöðu mála hér í Grindavík.

Með kveðju,
Rödd unga fólksins.