Setja upp útsendingarbúnað fyrir netmerki á Vatnsleysuströnd

Úrbætur í fjarskiptamálum á Vatnsleysuströnd og Hvassahrauni voru til umræðu hjá bæjarráði Voga á dögunum. Bæjarráð samþykkti samhljóða á fundi sínum í síðustu viku að gera samstarfssamning við Gagnaveitu Suðurlands um uppsetningu útsendingarbúnaðar netmerkis fyrir dreifbýli sveitarfélagsins.
Stofnframlag sveitarfélagsins er tvær og hálf milljón króna sem rúmast innan framkvæmdaáætlunar ársins.