Sérsveit handtók mann sem lét ófriðlega

Lögreglunni á Suðurnesjum barst í dag tilkynning um andlega veikan aðila sem að lét ófriðlega í sameign í fjölbýlishúsi í Reykjanesbæ. Sérsveit ríkislögreglustjóra var fengin til aðstoðar. Ekki kom til neinna átaka og var maðurinn færður á lögreglustöð til viðræðna.

Mál mannsins er nú komið á borð fagfólks í heilbrigðiskerfinu og er verið að aðstoða hann, segir í tilkynningu lögreglunnar á Suðurnesjum.