Segja upplýsingar um ECA rangar

Vinstri grænir á Suðurnesjum segja rangar þær upplýsingar sem reiddar hafi verið fram af tengiliðum ECA hér á landi. Þetta kemur fram í ályktun frá félagsfundi VG á Suðurnesjum í gærkvöldi. Í henni eru íbúar á Suðurnesjum varaðir við að taka trúanlega þessa „töfralausn“ eins og það er kallað í ályktuninni.

Ályktunin er annars svohljóðandi:

„Við skoðun á málefnum ECA hefur komið í ljós að upplýsingar sem reiddar voru fram af tengiliðum fyrirtækisins hafa í veigamiklum atriðum verið rangar og til þess fallnar að byggja upp óraunhæfar væntingar um atvinnuuppbyggingu á Suðurnesjum. Þátttaka í hagkerfi hernaðarbrölts, í hvaða formi sem hún er, brýtur gegn grunnstoðum í stefnu Vinstrihreyfingarinnar græns framboðs, sem er yfirlýstur friðarflokkur. Þrátt fyrir leit margra aðila er enn skortur á upplýsingum um grundvallarþætti, s.s. eignarhald og viðskiptaáætlun ECA. Í ljósi þessa varar félagsfundur VG á Suðurnesjum íbúa svæðisins við því að taka þessa töfralausn trúanlega“.

Ljóst er að skoðanir eru mjög skiptar um þetta mál eins og fram hefur komið í fjölmiðlum. Talvert hefur verið fjallað um þetta mál hér á fréttavef Víkurfrétta og hér að neðan eru tenglar á helstu fréttir.

Tengdar fréttir:

Vinna skal að öllum verkefnum á fordómalausan og yfirvegaðan hátt