Sandgerðingar komast í gufu og sund alla daga

Gufubaðið í Íþróttamiðstöð Sandgerðis opnar á nýjan leik eftir gagngerar endurbætur á mánudaginn en endurbætur hafa staðið yfir síðustu vikur.

Sandgerðisbær ætlar á árinu að efla lýðheilsu í bæjarfélaginu og einn liður í því er að hafa sundlaugina opna alla daga ársins. Hún hefur verið lokuð á sunnudögum en er nú opin frá kl. 10-16 um helgar. Opnunartími virka daga er eins og áður.