Samkeppniseftirlitið skoðar kaup OR á hlut í HS
Samkeppniseftirlitið ætlar að skoða fyrirhuguð kaup Orkuveitu Reykjavíkur á hlut Hafnarfjarðar í Hitaveitu Suðurnesja. Önnur kaup orkuveitunnar á hlutum í Hitaveitunni verða einnig könnuð. Þetta kemur fram í fréttum RÚV í dag. Þar er haft eftir Páli Gunnari Pálssyni, forstjóra Samkeppniseftirlitsins, að eignatengsl af þessu tagi gætum einkum komið til skoðunar á tvennum grundvelli.
Annars vegar gæti komið til álita að um sameiginleg yfirráð væri að ræða, þannig að samruni fyrirtækja hefði í raun átt sér stað í skilningi samkeppnislaga. Hins vegar gætu eignatengsl komið til skoðunar á grundvelli 10. greinar samkeppnislaga sem leggur bann við ólögmætu samráði.
Haft er eftir Pál Gunnari að viðskiptin hafi verið til skoðunar hjá eftirlitinu og verði það áfram.
